Elelo lyaNdonga ta li holoka mompangu nena

Ku Eliaser Ndeyanale 

BOKA yahala okukutha po oshipundi shuuk- waniilwa mOndonga otaya holoka mompangu yopom- banda nena opo kutalwe ngele ezimino lyaFillemon Shuumbwa Nangolo kominista yomapendule- po giitopolwa yomuushayi no- showo yomoondoolopa omundo- hotola Peyavali Mushelenga oli li tuu mondjila. 

Ngele ompangu yopombanda oya mono ezimino lya ndohoto- la Mushelenga li li pondjila shika otashiti kutya oshilongo shaNdon- ga otashi langeke omukwaniilwa omupe mOlyomakaya goshiwike shika. 

Nangoka nee ta ka langekwa moshipundishika shuukwaniilwa oye Fillemon Shuumbwa Nangolo. Elangeko lye okwa tegelelwa li ka ningilwa kegumbo lye kOnamban- go popepi nOluno. 

Ashike ngele ompangu yopom- banda oya tindi nenge ya kaleka oku gandja oshizemo shompangu nenge ya mona eziminino lyaFil- lemon Shuumbwa Nangolo ku ndo- hotola Mushelenga ka li li mondjila nenge pauyuuki nena shika otashi ti elangeko Fillemon Shuumbwa Nangolo ngomukwaniilwa omupe ta landula nakusa tatekulu Im- manuel Elifas Kauluma ita li ka kala ko mOlyomakaya lyoshiwike shika. Gumwe gomwaamboka ya- hala okuninga omukwaniilwa oye tatekulu Konis Eino Kalenga. 

Kuyele omweedhi nguka nd- hotola Mushelenga, okwa gandja eziminino lye kelelo lyoshilongo shaNdonga kutya omusamane Fillemon Shuumbwa Nangolo oye ta ningi omukwaniilwa omupe goshilongo shaNdonga. 

Omudohotola Mushelenga okwa ningi eziminino ndika mombapila ndjoka a li ashangele ku amushan- ga gwelelo lyopamuthigululwakalo lyoshilongo shaNdonga ngoka a li akuthwa miilongonga momumvo go 2017 aniwa ku nakusa omuk- waniilwa Immanuel Kauluma Eli- fas, tatekulu Josef Asino. 

Mombapila ndjoka, yeziminino lya tatekulu Fillemon Shuumbwa Nangolo, omudohotola Mushelen- ga okwa holola wo kutya okwa li a mono omayindilo gopaali ga za kelelo lyaNdonga taga pula opo a zimine tatekulu Fillemon Shuumb- wa Nangolo a ninge omukwaniilwa omupe gwaNdonga. 

Eyindilo lyotango ndyoka omudohotola Mushelenga a li a taamba olya li lya ninga aniwa mo- masiku 15 Apilili omumvo nguka, neyindilo etiyali olya li lya ningwa momasiku ga heyali ga Juni nuum vo.
Mombapila ye ku tatekulu Asino, 

omudohotola Mushelenga okwa indile wo kelelo lyoshilongo shaN- donga opo li mu tseyithile esiku, ehala, nethimbo ndyoka tatekulu Fillemon Shuumbwa Nangolo ota ka langekelwa moshilongo opo wo na ye (omudohotola Mushelenga) awape okuthika kelangeko pam- belewa lyomukwaniilwa omupe. 

“Otandi kutseyithile ngaashi sha uthwa moshiluku oshititano shove- ta yomalelo gopamuthigululwaka- lo yo mumvo omayovi gaali kutya, onda zimina eyindilo lya Fillemon Shuumbwa Nangolo opo a ninge omukwaniilwa ta landula tatekulu Immanuel Kauluma Elifas, ngoka a mana oondjenda dhe momasiku 26 Maalitsa 2019. 

“Otandi indile wo opo mu tsey- ithilendje pambelewa opo ndi- kale nda thika poshituthi langeko shomukwaaniilwa omupe ngaashi naanaa tashi pumbiwa paveta,” osho omudohotola Mushelen- 

ga apopi mombapila ye ndjoka ashangele tatekulu Asino. 

Manga omudohotola Mushelen- ga a li ina gandja eziminino, tateku- lu Fillemon Shuumbwa Nangolo okwa li nale a langekwa ongomuk- waniilwa omuti 18 goshilongo shaNdonga ongula yesiku ndyoka lya landula efumviko lyomuk- waniilwa Immanuel Kauluma Eli- fas. 

Euliko lye pambelewa pethimbo ndyoka olya li lya igithwa kelenga ekuluntu lyoshilongo shaNdonga tatekulu Vilho Kamanya ngoka wo naye a li a kuthwa miilonga mo 2017. 

Elangeko lye lyopamuthigulul- wakalo olya li lya ningilwa pegum- bo lye ndyoka li li momukunda Onambango. 

Omanga okwa li ta ku ningwa elangeko lya tatekulu Fillemon Shuumbwa Nangolo komukunda Onambango, ko konkulumba- la okwa li wo nako taku ningwa elangeko lyomukwaniilwa ngoka ta landula tatekulu Immanuel Kaulu- ma Elifas. 

Na ngoka a li a langekwa otateku- lu Konis Eino Kalenga. Ayehe mba- ka yaali aatekulu yomukwaniilwa Immanuel Kauluma Elifas ngoka a li amana oondjenda dhe mu Maal- itsa nuumvo. 

Nonande omudohotola Mush- elenga agandja aziminino lya Fil- lemon Shuumbwa Nangolo aninge mwene gomakuya, hekulu Konis Eino Kalenga okwa tula mo ey- indilo lyo meendelelo momangu yo pombanda li li ompinge nezi- minino lya minista Mushelenga. Nashika osha li sha ningwa mO- maandaha goshiwike shika. 

Omutseyiveta gwehangano lyoohahende lyedhina Shilongo Law Chambers ndyoka lya kalel- apo tatekulu Konis Eino Kalenga paveta, okwa li ashangele minista Mushelenga omuntumwafo mO- maandaha omotuumoka ta pula kutya omolwashike minista ina tyakosha keyindilo lya tatekulu Konias Eino Kalenga opo aninge omukwaniilwa goshilongo shaN- donga. 

“Omuyakulwa gwetu oku li ompinge netokolo lyoye lyezi- minino lya Fillemon Shuumb- wa Nangolo ongomukwaniilwa gwaNdonga. Omuyakulwa gwetu okwa talako wo kutya eziminino lyoye ka li li paveta,” osho omut- seyiveta a popi mombilive ye nd- joka a li a shangele omudohotola Mushelenga. 

Manga omukwaniilwa Im- manuel Kauluma Elifas ina hu- lita, omwa kala omakuyunguto moshilongo shaNdonga konima sho sha li sheya puuyelele kutya omukwaniilwa Immanuel Kaulu- ma Elifas okwa li u like tatekulu Fillemon Shuumbwa Nangolo opo a kale omulanduli gwe una ayi (omukwaniilwa) koshilongo hoka ihaakugalukwa we. 

Ashike yamwe yomezimo lyaawa oye wete kutya tatekulu Fillemon Shuumbwa Nangolo omushona noku u likwa aninge omukwaniilwa pethimbo ndika. 

Omasiku ga zi ko minista Mushelenga okwa li wo ashangele omalenga omakuluntu goshilon- go shaNdonga ngoka ga li ga kuthwa miilonga momumvo go 2017 oontumwafo opo ga shune moombelewa yoshilongo.