Epangelo lya pititha omakwatho goshikukuta
Victor Angula
PANGELO olya pititha omiyalu dhoshi- maliwa shi ka longithwe moku and- jakaneka omakwatho kuupyakadhi
woshikukuta moshigwana. Oshimaliwa sha tulwa po kepangelo shi ka longithwe mopolo- halama yokukandeka uupyakadhi woshiku- kuta oshi thike poN$442,700,000 – oomiliona omathele gane noomiliona omilongo ne nam- bali noshinkwanu heyali.
Oomiliona omathele gatatu noomiliona ne oshinkwanu omugoyi (N$304,900,000) dhoshimaliwa sha tengenekwa shi ka longith- we moompumbwe dhoshikukuta opo shi li nale, ihe oshimaliwa shoN$137,800,000 kashi po manga opo tashi kongwa.
Oomiliona omilongo omugoyi (N$90,000,000) otadhi ka longithwa moku landa iikulya yoshikukuta omanga oomiliona omingo ndatu nahamano otadhi ka longithwa moku fala iikulya mbyoka kaakwashigwana.
Oomiliona omilongo mbali nayimwe otadhi ka longithwa oku tunga noku opaleka ootenga noomboola dhomeya. Oomiliona oshoka oshigwana otashi mono iihuna molwa onkalo yomvula inayi loka nawa nuumvo.
Omukwashigwana gumwe gwomoshikan- djohogololo shaTsandi tate Titus Aludhilu okwa lombwela wo oshifo shika ta ti epangelo nali endelele li kwathe aantu yalyo. “Omeya kage po, mo momapya kamu na sha.
Momapya ogendji kamu na nando oshim- bale tashi zi mo. Kombinga yiimuna kandi wete moshikandjohogololo shetu mu na omuntu e na ongombe tayi thiki komvula tayi ya. Maan- djetu otwa kanitha nale oongombe 12. “Mo- mikunda ndhoka ndishi ngaashi Omankono, Oshilemba, Onkulumbashe, Onkuludhiya, Ontanda, Oshipeto, nUukwanampende aantu otaya mono iihuna yo iimuna otayi si. Oshig- wana osha tala ashike kepangelo, nali endelele opo oshigwana shi hupithwe,” Aludhilu ta ti ngawo.
Omunambelewa Omukuluntu mUumin- isteli wUunamapya nUuniimuna tate Percy Misika okwa ti molwa onkalo yoshikukuta aaniimuna mboka yaahe na uulithilo wu li nawa naya landithe po iimuna yawo imwe omanga yi li monkalo ombwanawa.
omulongo otadhi ka longithwa moku landela aakwashigwana oombuto dhiilya pethimbo lyoondima tadhi ya. Iimaliwa imwe oya nun- inwa oku landela oshigwana iikulya yiimuna osho wo oku tula iimuna yaakwashigwana muulithilo wopakathimbo. Epangelo olya tula
po kutya iimaliwa mbika oyi na oku longithwa po okuza muApilili nuumvo sigo Maalitsa gwomumvo tagu ya. Kansela gwoshikandjo- hogololo shaElim tate Gerhard Shiimi okwa li a lombwele oshikundaneki shika ta ti oya tegelela omakwatho gepangelo ga thike mbala