Geingob tati ye ke shi omukulupe

Ku Eliaser Ndeyanale

OMUPRESIDENTE Hage Geingob, okwati ye ina kulupa nande ngaashi oyendji ta yadhilaadhila.

Okwati momimvo otashi vulika awetike akulupa shili ihe ashike momukutala, momutima noshowo momadhilaadhilo ina kulupa nande.

Okwati wo ope na aantu yamwe e ya vule momimvo ashike otaya monika nale ya kulupa shinene puye.

Omupresidente okwati wo oominista noshowo aapevi yawo oya pitikwa okulongitha iihauto yawo yiilonga miinakugwanithwa yiili ngaashi okuya kiigongi yongundu yo Swapo noshowo oku ka tala uunona wa wo kooskola.

Omupresidente Geingob okwa popi dhika ethimbo a li tapopi poshigongi oshinene sho Swapo mOshakati mehuliloshiwike lya zi ko.

Omupresidente okwa ti oominista ohaya futu iihohela yokongulu kepangelo sho taya longitha iihauto mbyoka oku fala uunona wa wo kooskola.

“Ope na aantu yamwe ta ya ti otatu longo lunga itapula sho tatu ya niihauto yepangelo piigongi yo Swapo.

“Ongame omupresidente goshilongo, onkene onda pitikwa okulongitha iihauto yepangelo nosho woo oominista nadho odha pitikwa okulongitha iihauto mbyoka kakele kokuya nayo pomahala gomanwino,” osho omupresident alombwele oshigongi.

Okwa lombwele wo oshigongi kutya mboka taya ti omupresidente ota longo lunga itapula sho ta longitha iihauto yepangelo, naya tale koshiholelwa sha Goerge W. Bush ngoka a li ta longitha oodhila dhepangelo ethimbo a li ta ningi iikonga yomahogololo pethimbo o Democratic party ya li tayi ningi iikonga yomahogololo momimvo 2008 ethimbo omupresidente gwa United States of America omuti 44 Barack Obama a li ta ningi iikonga yomahogololo .

Omupresidente Geingob okwati Bush okwa li halongitha oodhila dhi li ne okuninga iikonga mbika yomahogololo sho a li tayi kiilongo niilongo mo United States of America.

Okwa popi wo kutya olweendo lye okuya kiilongo niilongo oshina sha niilonga ye yuupresidente ndele kashishi osima yowala ngaashi sha itaalwa koyendji.
online pharmacy https://petalk.com/image/jpeg/priligy.html no prescription drugstore

Omupresidente okwati lunga itapula ita pitikwamo nande omoshilongo. “Lunga itapula inapumbiwa mo nande omoshilongo shetu. Iiholelwa oyindji tayi tumbulwa moshinima shika oyi li mompangu yoshilongo onkene itandi vulu oku idhopa mo.

“Oompangu odhiidhikamena po, tse ongepangelo itatu vulu oku idhopa minima yoompangulilo,” Geingob ta tsikileko natango.
online pharmacy https://petalk.com/image/jpeg/zithromax.html no prescription drugstore

“Sho itandi idhopo minima mbyoka yili momake gompangu otaku ti otandi longitha uukayamukulwa nenge aniwa kandina oonkondo. Ohandi longitha uukayamukulwa nenge kandi na oonkondo? Oshi ni po? Omupresidente tapula.

Okwati wo ye nofamili ota ululwa omalaka omawinayi kaantu.

“Oofamili noshowo uunona wetu ota u tukwa,” Geingob tapopi natango.

Okwa ti wo omahepeko guunona noomeme naga hule. Okwakumagidha wo mboka yena uudhigu opo ye u lombwele nenge ye u popye pu yakwawo yo ya pewe oomadhilaadhilo omawanawa shivulithe oku ka kutha omuntu omwenyo.

Geingob okwa popi wo kombinga yiilyo yetanga lyegameno mbyoka yili moshikonga shedhina Operation Kalahari Desert shoka sha nuninwa okukondjitha iimbuluma kutya oya tulilwamo oku kondjitha iimbuluma.

“Ope na aantu yamwe ka yuuvite ombili sho iilyo yetanga lyegameno yi li momapandaanda taya ti oshilongo osha ningwa shetanga lyopakiita. Dhika kadhishi dhoshili. Mboka yuuvite ya gamenwa koshikonga shika shokulwitha iimbuluma oya nyanyukwa nowete kutya oya gamenwa kepangelo,” omupresident ta gwedhapo natango. Omupresidente okwati wo kutya aantu naya hogolole ongundu yo Swapo opo yitsikile noku hanganitha aaNamibia aheye noshowo okukokitha eliko lyoshilongo.

“Swapo oyo ashike ongundu ndjoka tamu vulu okwiinekela,” osho omupresidente akunkilile.