Namibia a yi monkatu ontiyali yo COVID-19

Ku Eliaser Ndeyanale

NAMIBIA okwa yi ngashiingeyi monkatu ontiyali yo COVID-19 mEtiyali lyoshiwike shika.

Shika otashi ti moshilongo omwa eguluka, aano aantu ngashiingeyi ota ya vulu oku enda kehe pamwe moshilongo. Oomahala gomangeshefelo nago ngashiingeyi oga patuluka.

Oosalona, uukululilo, omahala gokulanda iikulya nago oga patuluka.

Ashike momahala gokulanditha iikulya ita mu lilwa, aantu otaya pewa ashike uumbaki.

Onkatu ontiyali otayi ka hula po mesiku lyotango lya Juni.

Aazayizayi inaya pitikwa yeye mo moshilongo, omanga aaNamibia mboka ye li kondje yoshilongo otaya vulu oku galukile kegumbo ashike otaya ningilwa omakonaakono uule womasiku omulongo nagane ye li pomahala yiikalekelwa.

Aantu ayehe moshilongo otaya indilwa ya kale ya zala uumaska kokana nokomayulu.

Omupresidente Tatekulu Geingob okwa ti wo kutya aantu inaya pitikwa oku landitha omalovu.

Sigo omEtitatu lyoshiwike shika,muNamibia omwalopotwa aantu yena omukithi go COVID-19 ye li omulongo naya hamano.

Aantu ye li ya hetatu oya lopotwa ya kalapo nawa. Omanga ye li ya hetatu ye li natango moshipangelo.

Shika osha li sha hololwa komupevi minister goshikondo shuundjolowele meme Ester Muinjangue pehala lyokugandjela omauyelele kombinga yo COVID-19 mOvenduka oshiwike shika.

ehala lyomauyelele ge na sha no COVID-19 oli li kombelewa ya ngoloneya goshitopolwa shaKhomas.

Nande ina ya popiwa komadhina, mboka ya kalapo onawa oyo aniwa omuvu omutitatu, omutine omutitano, omutihamano, omuti mulongo nomutitatu noshowo omuvu omumvo omitimulongo nomutine no showo aamvu wo yamwe.

Ota ku popiwa wo kutya aahokanathani aa Romania mboka ya li haya monika tango omukithi nguka momasiku 13 Maalitsa inaya kalapo natango nawa.

Mboka inaya kalapo nawa oye li ya hetatu.

Konima yomweedhi gumwe lwaa mpoka, omwaalu gwaantu mboka ya li ya monika ombuto yo COVID-19 ogwa li londo okuza po 14 okuya po 16, ashike ina pu monika we aantu yamwe yena ombuto ndjika moshilongo.

Shika osha li sha kolekwa no kominista yuuhaku omundohotola Kalumbi Shangula oshiwike sha zi ko.

Yaali yomwaamboka ya li ya monika ombuto ndjoka aapangi keyithano ashike gumwe gomuyo okwa kala po nawa.
Iizemo ye konaakono lyomupangi ngoka ina kalapo oya li ya kolekwa konima yomwedhi ngashiingeyi.

Omundohotola Shangula okwati omupangi nguka omunamimvo 46, nokwa li a kwatwa komukithi nguka sho a li aka talelapo omupambele gwe ko South Africa.

Shangula okwati omupangi nguka okwa li a ningilwa ekonaakono momasiku 30 Maalitsa pokapangelo kedhina Robert Mugabe mOvenduka konima sho a li aniwa a li ena omadhidhiliko ga fa gombuto yo COVID-19 ngaashi pothingo pe na oshilalo, ovulwe noshowo uuvite uutalala.

Momasiku gane (04 Apilili) omakonaakono oga li guulike kutya okuna omumbuto yo COVID-19 ashike minister okwati omupangi nguka oku li monkalo yili nawa lela.

Omwaalu gwaaNamibia mboka ya monika ombuto oye li ya heya li ngaashiingeyi mwa kwatelwa omukwashigwana e li omukwiilongo.

Omuntu omukwawo omulongi keyithano, ngoka minister tati oku li iikalekelwa.

Omundotola Shangula okwati wo kutya aantu yethike pomwaalu go 362 oya li ya ningilwa omakonaakono go COVID-19 moshilongo ashihe.

Okwati omakonaakono ngaka oga li ga ningwa moolabola dho moshilongo noshowo ko South Africa.

Moolabola dho moshilongo omwa li mwa ningwa omakonaako ge vule peyovi limwe ngashiingeyi ngoka ga li ga ningwa kehangano lyepangelo ha li ithanwa Namibia Institute of Pathology (NIP) omanga ge li 156 ga li ga ningwa kehangano lya South Africa lyedhina PathCare.

Sigo opaife ombuto ndjika inayi monenwa omuti gokuyi panga okene aantu otaya indilwa yiiyoge konyala nomeya gothewa alushe nosho wo oku kala momagumbo gawo.

Ombuto ndjika oya etitha wo opo omagongalo gongeleki onkwavangeli muNamibia opo ga hulithepo manga okuninga omalongeloKalunga muule womasiku omilongo ndatu opo ku keelelwe etandayelo lyombuto yo Corona Virus ndjoka wo yatseyika nawa nedhina COVID-19.

Uuyelele mboka wagandjwa kehangano lyuundjolowele muuyuni otau ti kutya omadhidhiliko gombuto ndjika ogo eshikisha, uupyu u li pombanda, omukolo omukukutu noshowo okufudha nuudhigu.

Onkene oshigwana otashi lombwelwa neekutya nashi zale omanyala, oku iyoga konyala nothewa, okuzala okamaska komayulu noshowo okuwapaleka nawa iilongithomwa yesiku kehe noshowo okuyanda omangundumano.

Ehangano ndika ota li ti wo kutya omuntu ngele okuna omadhidhiliko ngaka nakale megumbo oshoka ngele okwa zi mo ota vulu oku kwa titha yakwawo kombuto ndika.

Ngele owa mono omunegumbo goye, omuniilonga pamwe nangoye nenge kuume koye e na omadhidhiliko ngaka oto indilwa opo udhenge ko konomola tayi landula 0800 100 100.