Ndeitunga tati oshikonga shokulwitha iimbuluma otashi tsikile komeho
Ku Eliaser Ndeyanale
OMUKULUNTU gopolisi ya Namibia (NamPol) omusamane Sebastian Ndeitunga okwa ti oshikonga shokulwitha iimbuluma moshilongo shedhina Operation Kalahari Desert otashi tsikile komeho nande pena mboka ya hala shisitope niilonga ya sho.
Ndeitunga okwa popi dhika pethimbo a li ta popitha iilyo yetanga lyopolisi, etanga lyegameno, etanga lyapolisi yo Namibia Collectional Service noshowo omiya dhashinana dhetanga lyopolisi yoshilandopangelo (City Police) mboka ye li moshikonga shoka mEtine lyoshiwike shika po Patrick Iyambo Police College mOvenduka.
Okwati mboka taya ti oshikonga sho Operation Kalahari Desert nashi ethepo iilonga yasho otaya kambadhala okuya iilonga yo polisi moshipala tati wo shika itashi ka idhidhimikilwa nande okashona.
Omapopyo kutya oshikonga shika nashi ethepo iilonga yasho ogeya konima sho omukwaita metanga lyegameno Gerson Nakale a li as yaha omuhingi go taxi molukalwahala lwedhina Greenwell Matango mOkatutura mEtine lyoshiwike sha zi ko.
Manga a li ta gandja omahekeleko ge kaapambele yomuhingi go taxi, Ndeitunga okwa popi kutya oshiningwanima sheso lyomuhingi go taxi ngoka e li omukwashigwana gwa Zimbabwe omupya ashike.
Okwa popi wo kutya aapolosi noshowo iilyo yomatanga ngoka ge li mo Operation Kalahari Desert inayi pitikwa opo yuumbe oondjembo pwaana etitikilo lyaakomeho yawo.
Okwa gwedhapo wo kutya iilyo mbika oya pitikwa wala oku umba iifufuta uuna oomwenyo dhawo dhili moshiponga.
online pharmacy https://aclsedu.com/wp-content/uploads/2023/04/jpg/propecia.html no prescription drugstore
Kakukutu komatanga gopolisi okwa holola wo kutya konima sho oshikonga shika sha tulwa miilonga, oshikondo shopolisi osha dhidhilike eshuno pevi liimbuluma moshilongo.
online pharmacy https://aclsedu.com/wp-content/uploads/2023/04/jpg/levaquin.html no prescription drugstore
“Okuza momwedhi Auguste sigo o Novemba omumvo gwa zi ko, omwaalu gwiimbuluma moshilongo ogwa li gwiigalala.
“Mu Auguste omwaalu gwiimbuluma ogwa li gwathikama po mavovi gahetatu nomathele omugoyi nomilongo ne naheyali (8 947), momwedhi gwa Septemba omwaalu gwiimbuluma ogwa li gwathikama pomayovi gahetatu omathele gahamano nomilongotano nahamano, mu Oktomba omiyaludhiimbuluma moshilongo ogwa li gwa thikama pomayovi gahetatu nomathele omugoyi nomilongo mbali naheyali omanga mu Novemba gwa li gwathikama pomayovi gahetatu nomathelegane nomilongo ntano natano.”
“No nande omiyalu dhika odha li dhashuna pevi kashona mu Desemba, moka mwa li mwa lopotwa iipotha yi li pomayovi gahetatu nomilongo ntano nahamano, Januali na Februali yomumvo nguka omiyalu odhali dhashuna lela pevi. Mu Januali omiyalu odhali dhili pomayovi ga hetatu nomilongo ne na hamano (8 046) omanga mu Februali dha li dhili pomayovi gahetatu momilongo ndatu nomugoyi (8 039),” osho omusamane Ndeitunga a popi.
Okwa holola wo kutya mu Maalitsa sho oshikonga shokulwitha iimbuluma shedhina Operation Hornkranz sha li sha hulithapo iilonga yasho pakathimbo nomwaalu gwiimbuluma ogwa li gwa londo pombanda.
Ashike mu Apilili sho oshikonga sha Operation Hornkranz sha tameke ishewe iilonga yasho, omwaalu gwiimbuluma ogwa li gwashuna pevi ishewe okuza pomayovi gahetatu nomathele gaheyali nomilongo hetatu naga heyali okuya pomayovi gahetatu nethele nomilongo hetatu naga gamano.
“Sho operation Kalahari a li atamekithwa, okuza momasiku 11 May, omiyalu dhiimbuluma moshilongo odha shuna pevi dhili pomathele gahetatu nomilongo heyali nayimwe.
”Iilwitho yili omathele omugoyi nomilongo hamano niitano oyali ya kuthwa aakwashigwana kopolisi, moka mwa kwatelwa oiombele, oondjembo, ooskulufa, omakatana noshowo yilwe oyindji.”
Omusamane Ndeitunga okwa ti wo kutya aapolisi oya li wo ya kwatako, iinganamithi yedhina, cannabis, mandrax noshowo cocaine mbyoka tati oyina ongushu yoshimaliwa shoondola dhaNamibia shomayovi omathele gaali nomilongo hetatu nayimwe nomathele gane noimilongo omugoyi nantano (N$281 495).
“Mbika oyo iingangamithi mbyoka tayi teya po aanyanyamagulu. Nolundji oombudhi ohadhi nu iingangamithi mbika opo yiikuthe uumbanda uuna taya kalonga iilonga yomuyonena moshigwana,” osho omusamane Ndeitunga a popi.