Omulongi iikutha miilonga sho ayono po okanona koskola

Ku Eliaser Ndeyanale

OMULONGI go menongelo lyedhina Iipumbu secondary school mOshakati okwa pe okanona ke li mondondo ontimulongo nayimwe etegelelo nokonima anuwa etegelelo ndyoka olya li lya kuthwa mo.

Omulongi gwedhina Matheus Paulus ngoka atseyika nawas nedhina Beckham nokwa li ha longo omwaalu poskola ndjoka, okwa kala aniwa mekwatathano lyo paihole nomulongwa nguka gomimvo omulongo nahetatu.

Otaku hokololwa kutya etegelelo lyomulongwa nguka olya pitililepo momasiku 24 Okotmba.

Mboka ye dhi shi nawa otaya ti omulongwa nguka okwa li ha zi momuhandjo no kwa kakala hazi megumbo limwe naBeckham.

Shika inashi yela nawa kutya egumbo mo ka ya li haya zi oli li momuthingoloko goskola ndjika nenge o li li kondje oshoka omukuluntuskola goskola ndjika okwa ti ita vulu oku kundathana oshinima shika nonzonkundana ndjika onkene omapulo naga pulwe omukuluntu gwelongo moshitopolwa shaShana meme Hileni Amukana.

Onzonkundana ndjika oya lombwelwa kutya ethimbo okanona haka ka li ka kutha mo etegelelo oka li kena okushanga Oshilongwa sha ko sha hugunina.

“Sho ya kwawo ya li taya tameke okushanga ekonaakono, okanona ha ka oka li keli megumbo lyaBeckham ndyoka li li meni lyoskola,” osho gumwe gomwaamboka yedhishi nawa a hokolola.

“Sho okanona ka li taka kongwa keye kashange ekonaakono, oka li ka monika ta ka zi megumbo moka ha mu zi Beckham ashike okwa li nale kwa laata ka ka li ta ka vulu okushanga ekonaakono. Ethimbo ndyoka wo oka li ta ka thetwa ashike ina ka popya kutya okena etegelelo.

“Sho uuwehame wa kolo, okanona oka pulumutha ohanana inayi adha oku valwa Nashika osha li sha ningilwa komuhandjo gwaakadhona poskola.

“Opolisi oya li yiithanwa  opo yi ye yi ninge omakonaakono, nokanona oka hokolola kutya oka gwitha mo etegelelo. Oka popya wo iinima mbyoka ya longitha oku kutha mo epunda naapyoka yeyi kutha,” osho na ku kuthila ko ondjo nkundana ndji ka a hokolola.

Ota ku hokololwa wo kutya shika hasho oshikando sho tango Matheus tayi miihulo nokanona koskola, aniwa okwa li natango eshi ningi koskola hoka a li kOnambutu combined school moshitopolwa shaHangwena nokwa li akuthwa miilonga uule womimvo hetatu.

Matheus okwa li aniwa iikutha miilonga esiku lyoshiningwanima shika.

Opolisi yomositopolwa shaShana noshowo ombelewa yomukuluntu gwelongo mOshana otayi konaakona oshiningwanima shika.

Omweedhi gwa zi ko onzonkundana ndjika oya lopota kutya omulongwa go poskola yedhina Abraham Iyambo okwa li a pewa etegelelo ku he nakumuvala.

Uuyelele kutya okanona haka okena omimvo ngapi inauyela  ashike he okwa li a holoka mompangu ya magistrate gwa Tsumeb nokwa li a pewa eifutilemo mokakuma lyoshimaliwa sho N$2500.

Magistrata Ruben Mutuku okwe mu lombwele kaaye moshipala omakonaakono go polisi tati wo poskola ndjoka hapu hiti okanona ina enda po.

Mu Oktomba onzonkundana ndjika oya lopota wo kutya okanona kamwe ko komukunda Omufitu wenkete moshitopolwa shaMusati oka li ka pewa etegelelo ku ngu e ka vala.

Okanona hoka ota kuti okena omimvo 15 nokeli mondondo ontiheyali okapewa etegelelo kuhe –omunamivo 61.

Oshiwike sha ziko okakadhona koposkola Ekundu combined school moshikandjolongo shaKalongo moshitopolwa shaMusati okwa li aniwa akwatwa koonkondo komulongwa go moskola yedhina Haudano Secondary School oshiwike sha zi ko.

Palopota yopolisi yo mOmusati, otayi ti kutya momasiku sho ga li 05 Oktomba nuumvo lo potundi 21h00, poskola ya Haudano secondary school omulongwa gwedhina Amalwa Lukas omunamimvo 17 okwa li a yi pegumbo limwe li li moskola yaHaudano moka a li akiindila omeya gokunwa, nokonima sho a li aniwa a pewa omeya, okwa li aniwa kwata okakadhona okanamimvo omulongo nomugoyi (19) koonkondo hoka ka li ke mu pe omeya.

Ota ku hokololwa kutya pethimbo lyoshiningwanima shika, okakadhona ha ka oka li ke li megumbo oko awike.

“Ota ku hokololwa kutya omufekelwa okwa adha okakadhona ha ka megumbo, teka pula ke mu pe omeya gokunwa. Sho apewa omeya, okwa nukile a niwa okakadhona hoka nokukafala mondunda yokulala (maandjawo yokakadhona) hoka, nokwe ka tula pombete, te ka kutha iikutu nokwa li ayi na ko miihulo kapena ezimino lya ko.

“Na kuninga  oshihakanwa omukalimo go komukunda Olwiili nokuna omimvo omulongo nomugoyi (19) ha sikola koskola yedhina Ekundu combined school moseketa yaKalongo,” osho olopota yopolisi ndjoka ya monika konzonkundana ndjika tayi yi ti.

Lukas okwa li a holoka lyotango mompangu ya Magistrate gwa Outapi momasiku 11 Oktomba 2019, nokwa li apewa epitikilo opo aye kegumbo, ano ina pewa egeelo.

“Oshipotha she osha li sha undulilwa komasiku 17 Desemba nuumvo. Ekonaakono lyopolisi moshinima shika ota li tsikile.”