Omunangeshefa ayaha omukadhi etiidhipaga

Ku Eliaser Ndeyanale

OMUSAMANE go mOngwediva gwedhina Manuel Rebeiro, omunamimvo omililongo ne nayimwe (41) okwali ayaha omukulukadhi gwe pegumbo lyawo mOngwediva mEtitano lyoshiwike sha zi ko.

Rebeiro ngoka oye mwene gongeshefa yedhina Grand Pub, okwa yaha omukulukadhi gwe omunamimvo omilongo ndatu (30) omanga ina ikutha omwenyo ye mwene nondjembo ndjoka a li ayaha nayo omukulukadhi gwe gwedhina Paula.

Otaku hokololwa kutya Rebeiro okwa li iiyaha yemwene momutse noku hulithila nee megumbo lyawo ndyoka li li momudhingoloko gomagumbo omawanawa mOngwediva.

Inashi shiwika natango kutya Rebeiro okwa yahela shike omukulukadhi.

Omukulukadhi okwa li a falwa aka mone uuhaku moshipangelo shedhina Ongwediva Medipark ashike okwa ka hulitha mOmaandaha goshiwike shika lopondundi ontimilongo mbali lwaampoka.

Moshiningwanima shi ili, omunangeshefa go mOndangwa gwedhina Elias Ilovu gomimvo 54 okwa li aniwa iitsuwa amana oondjenda konima sho akala takongwa oshoka okwa li aningi esiku kewetike.

Ilovu otaku tiwa okwa li iihulwa okumonika momasiku gaali ga Septemba (2 Septemba). Ilovu otaku ti wa okwa li ena ongeshefa molukanda lwedhina Uupopo mOndangwa.

Otaku hokololwa kutya esiku ndyoka tate Ilovu okwayi ina laleka nande olye.

Okwa thigipo oshihauto she, ongodhi ye yopeke noshowo ooshapi dhegumbo noshowo dhoshihauto she.

Otaku hokololwa kutya tatekulu Ilovu okwa li iiyaha noshifufuta nokuhulitha.

Olutu lwe olwa li aniwa lwa adhika muyimwe yoomoondunda dhostola ye. Ota kuhokololwa wo tuu kutya tatekulu iilovu okwiidhipaga omolomapopyo omawinayi akala nokugapopilwa.

Pethimbo oshifo shika tashiyi koshinyanyangidho, inashi uva kutya omapopyo ngoka ga li taga ningilwa tatekulu Ilovu oga shike nota ga ti naanaa ngiini.

Omaso ga tate Rebeiro na tate Ilovu oga landula eso lyomunangeshefa omukuluntu mOutapi tatekulu Mauno Haindongo ngoka a hulitha omweedhi gwaziko.
online pharmacy https://www.mydentalplace.com/wp-content/uploads/2020/07/new/singulair.html no prescription drugstore

Tatekulu Mauno okwa hulithile moshipangelo sha Catholic mOvenduka momasiku 22 August nuumvo.

Tatekulu Haindongo ngoka afumvikwa mEtihamano lya zi ko pomukunda gwa wo pOnakayale mOmbalantu, okwa manene oondjenda dhe momasiku 22 August nuumvo konima owala yomasiku gaali sho adhana oshituthivalo she oshitimilongo hetatu noshitiyali.

Iipopiwa mbyoka ya ningwa poshituthi dhimbulutho she, mEtitano lya zi ko, oya hokolola tatekulu Haindongo a li omutiliKalunga, kaume koongerki dha Angelican, Catholic no sho wo ELCIN.

Okwa hokololwa wo kutya okwa valwa omukwanambwiyu nomumwainamati Samuel Aindongo ngoka ta ku popiwa kutya oya putuka naye taya dhana pamwe, nande olundji ya kala nokutopoka oshoka pamuthigululwakalo aakwanambwiyu ihaya kala pamwe.
online pharmacy https://www.mydentalplace.com/wp-content/uploads/2020/07/new/amoxicillin.html no prescription drugstore